الحياة الفطرية تعلن وظائف إدارية للرجال من المرتبة العاشرة حتى الرابعة

السلام عليكم ورحمة الله وبركاته ي شباب معك أخوكم الصغير سلطان الدوسري يالربع وش صار على ذا النتائج قدله شهرين واسبوع ولاردو علانا يشباب متى توقعون النتائج بعد شهر والا وش وضعهم ارجو الرد ي شباب

متى تطلع نتايج المقبولين. ياشباب ياليت احد يفيدنا

يرجال انا م خليت شي الا قدمت عليه ومحد ردلي خبر للحين

ي خسارة الفلوس المتقدمين العاطلين خصوصا اللي يدافعون ولا يدقون عليهم بعد

الثانوية

يا جماعه متى يعلنون اسماء المقبولين

متى القبول وكيف نعرف اذا انقبلنا

متى نتايج القبول ؟

والله العظيم ان شاء الله مو كذاب إني قدمت عليهم أكثر من مرة وعن طريق البريد ولا فيه فايدة كلها تروح للأقارب بس قلت أجرب حظي عن نفسي ما قدمت الوظائف أبو 15 وظيفة غاسل يدي منها كلها كذب في كذب ..شكرا

نايف البقعاوي عدل كلامك المفروض الشيبان خلاص يتقاعدون ويتركون الوظائف للجيل الجديد ماخذين زمنهم وزمن غيرهم مره في دائرة حكوميه حصلت شايب اتوقع متعدي عمره ٦٠ بس اكيد ََََََََ مصغر عمره بالاحوال اقوله تقاعد وريح بالك يقولي ليش بتقاعد وانا مرتاح قلته طيب وش ذنب اللي يتخرجون ولا يحصلون وظايف يقول انا وش دخلني قلته طيب اذا نفس نوعيتك مايبون يتقاعدون كيف يشتغلون قلته خذت زمانك وتأخذ زمنهم يرجال تحقد على

إنَ لله وإنَ إليه راجعون شكلهم يمزحون صح ؟!

يقولك قد بغو يحطون رقم الفاكس ولكن قالو البريد اكثر تعقيد وعشان محد يقدم ومحد (يزعل) هاه اعلنا ان فيه وظايف 123 خلاص انهتى التقديم :))هههع وااااااااااوه بالبريد :) :))) الصبر ياخوانا الصبر مابين غمضت عين وانتباهتها يبدل الله من حال الى حالي

يعني والله مدري وش اقول صراحه .. ناس للحين عايشين بعام 1990 .. ترسل اوراق عبر البريد ..؟ ماتو اللي يرسلون اوراق بالبريد .! ماوصلهم البريد الالكتروني .؟ مايعرفون اختراع اسمه موقع الكتروني .؟ هذا يدل على عقليه الشيبان اللي ماسكين مناصب عليا بالدوائر الحكومية .. وهم سبب تزايد البطالة

لاحياة لمن تنادي هذي الوظايف للواسطات افهموها ياناس

السلام عليكم والله للأسف انا من الأشخاص اللي قدمت اكثر من مره على الوظائف اللي تقدمها الهيئة وارسلت اوراقي بالبريد الممتاز طوال السنوات الماضيه لكن دون اي رد منهم مره سويت تعقيب على البريد وجدت ان البريد تم ارسال اوراقي بعد نهاية التقديم ورفعت شكوى ولكن دون اي فائدة وكمان ارسلت الاوراق باليد لمقر الهيئة ولكن دون اي فائدة برغم أن فيه وظائف في مقر سكني بجزيرة فرسان وتقدمت بشكوى لرئيس الهيىة صاحب السمو وتم الاتصال بي من قبل مدير مكتبه ووعدني ان اقدم اوراقي وسيتم التعامل معها ولكن برضه لم يتم الافاده بأي شي اتمنى ان يكون فيه آلية في التقديم عن طريق الموقع مباشرة مع العلم ان خبرتي الادارية والعمليه 17 سنه مع الدورات التدريبية الادارية اللي تأهلني لتلك الوظائف التي طرحت ولكن ما اقول غير الله يعين ويرزقنا بواسطه 🤗

البريد السعودي رايح يقول لك تم استلام طلبك نيابة عنهم. هذا تطبيق الحكومة الإلكترونية.

ارجوا التوظيح ماهي الاوراق المطلوبة ؟

تقديم بالبريد العادي!! الهيئة لم تواكب التقدم الالكتروني

تخيل شكلك وانت تاخذ أوراقك وتحطها بظرف وتروح تدور مكتب البريد وترسل وشي يوصل بكرة وشي بعد اسبوعين وشي بعد شهر قد انتهى التقديم هههههههههههههههه وين الموقع الالكتروني بدون الموقع وين البريد الالكتروني من جدهم ذولا والله أغرب إعلان شفته في وقتنا ذا أتوقع مدير الموارد البشرية عمره فوق الستين إذا ماخاب ظني الله يحسن الخاتمة لنا وله

في اي زمن نحن ؟ 2019 ولا 1990

الغرض يبغون البريد السعودي يكسب من ظهورنا حسبي الله ونعم الوكيل انا عن نفسي ماراح اقدم لانهم كذابين والوظايف هذي بالواسطاااااان

وش ذا التعقيد حسبي للله عليكم وضياع الوقت ياخي حط نفس الناس رابط مع تعبية نموذج في تفس الرابط وارسال الطلب وش ذا التخلف والتعقيد الله لايوفقكم

صراحه وفرتم على انفسكم الدخول على البريد الالكتروني يبون كل شي جاهز وين عايشين ! كل شي صار الان الكتروني عجيب امركم . بالنسبة لي لن أتقدم على جهتكم الغريبة !!!!!

نأمل من إدارة القوى العاملة ( إدارة الموارد البشرية ، إدارة التوظيف ) بالهيئة توضيح أكثر لهذه الوظائف من ناحية هل الوظائف لكلا الجنسين ، الأوراق المطلوب إرفاقها ، الإرسال يكون عن طريق الإيميل الرسمي بدلاً من هالطريقه البدائية . وشكرا

تعبي النماذج و ترسلها في البريد و في الاخير تكون الوظائف راحت للاقربون و المعارف. نجرب ونشوف .

ماهي الطلبات اللي نرفقها غير نموذج التوظيف؟

تعبئة النموذج وأرسل على البريد السعودي اللذي موجود في مثلا الشرقيه والا الغربيه والا لازم اكون من اهل الرياض حتى ادخل في هاذي الوضيفه في وني لو سمحتو وشكراً

أغرب تقديم وظيفه مرة علي بحياتي يعني تاركين التقديم الإلكتروني والله لا يكلفنا وجاين تقولون رح البريد وأرسلها لنا بظرف وين عايشين بالجاهليه ولا الوضع تقيد وبس حسبي الله عليكم بس .

رجال ونساء ولارجال فقط

ياخي ملاحظ ان خريجين الدبلوم كوقفين توظيفهم ليش طيب ومستحيل يجيك شخص معاه بكالوريس يتوظف على المرتبة الخامسة اللي هي تكون ل خريجين الدبلوم اما المرتبة السادسة ل خريجين البكالوريس لاكن الارزاق بيد الله