الشركة السعودية للخدمات الأرضية تعلن فتح باب التوظيف بالرياض وجدة

كذب الرابط ادخله يقول عذرا مافي وظيفه

قبل التقديم اتمنى من الجميع معرفة هذة الشركة على الحقيقة واذا اردتم الاجابة كاونترات المطارات وستعرفون الخافي حسبنى الله ونعم الوكيل شركة قائمة على ظلم الموظفين واخذ حقوقهم وفيها القوي يأكل الضعيف

بقولكم وش بيصير كنت من شهرين مقدمه معهم وقبلوني وطررررت من الفرح بهدها اختبار بحي السفارات بمبنى السفارة البريطاني على الحاسب الآلي واجتزته بعدها مقابله شخصيه مخلوطه باسئلة انقلش بعدها فحص طبي بعدها فحص ادلة جنائية .. وبعدها الدورة بفندق لشهر الى شهر ونص طبعاً راتبك بس 4 الالف صافيه لنص سنة والفندق الي تدربون فيه جنب المطار يعني مشوار وزين تحصلين سواق ماياكل عليك نص راتبك للامانة الافضل تقطين مع باقي البنات بسواق بنفس حيكم والي قريبات منكم بعدها تخاذون دورات لين بعدها تنزلون للمطار وتدربون الوظيفة يقال لها شبه حكوميه لكن بعد الخصخصه صارت قطاع خاص ويقال ان فيها امان وظيفي لكن الصدق مثلها مثل القطاع الخاص بلا كذب واذكر بنات معنا على طول مايبونهم يكملون معهم حتى وهن يتدربون وفصلوهم بحجج غريبه زي كونها حامل فلي حامل نصيحه لاتقدمين مايبون خايفين على انهم يصارفونك وقت اجازتك للامومه و هل هي تستاهل ايه ممكن اذا عندك صبر لنص سنة منها يتعدل راتبك واذا اجتزتي فترة التدريب ابو 6 شهور بسلام ونظام شغلهم شفتات فيه صباحي ومسائي يقولون ان اذا زاد عدد النساء الموظفات لشركتهم بيحطون 3 شفتات الصباح والعصريه والليل حتى بالدفعه الي فاتت للان بمرحلة التدريب بالفندق ماخلصو فاباي لحظة ممكن ينسحبون بما ان العقد نص سنة ولكل الطرفين الحق بلانسحاب باي لحظة فاحتمال كبير بعضهم مايكمل خصوصاً ان اعدادهم بدت تنقص

ياهووو حديثي التخرج طيب واللي متخرج وينتظر من زمن يروح يموت مثلاً

ايش الي صار بالدنيا الشركات ماعد صارت تنزل وظائف للرجال الا بالقطاره وتكون شروط اصعب وشهادات عاليه أقلها بالكالوريوس دبلوم نهائيا مايقبلون اخرها نجم كل شوي تفتح وظائف للنساء ثانويه دبلوم باكالوريوس لجميع التخصصات والرجال لما فتحت من كذا شهر فقط بالكالوريوس وتخصصات اداره فقط الله الرزاق ولا احد يعترض لكن الي تسويه الشركات حاليا بشروط الوظائف فيه عنصريه ع الجنس وثاني شي وظائف البنات اكثر من الرجال وهذا شي غريب

*مسعفه اوليه *حل المشكلات بطرق منطقه ومرضيه

احتاج وظيفة