الخطوط الجوية السعودية تعلن فتح باب التقديم في الخدمة الجوية للنساء

انا ما وصلتني والتقديم لسا مستمر

السلام عليكم .. احد وصلته رسالة الفحص البدني ؟

اللي معصبين هدو ياعالم كيف لو انكم مثلي انا خريجه جامعيه بتقدير امتياز والحمدلله و لا انا ولا زوجي لاقين وظيفه والله اننا ننام والا ندري اذا بكره راح نلاقي اكل ناكله والا لا ماغير الناس تحسن علينا بعض الاحيان وبعض الاحيان لا لكن انا متفائله بالله انهه راح يفرجها والمضيفه انا مستحيل اوافق عليها لان فيها مخالفه للدين وربي يعوضنا بالافضل عنها من ترك شيء لله عوضه الله بخير منه

ياعبوره وشفيك زعلانه تراء هذي مضيفه يعني خدامه في الجو ولا تناسب السعوديه الاصيله لبس المضيفه!! تناسب المتبرجات فقط الي ما يعرفون معني الستر في الإسلام

حسب الظوابط الشرعية بتوفيق

بالتوفيق للبنات لكن على كل حال الوظيفة فيها تعب وكرف. من وجهة نظري انها تناسب عزاب فقط لان الشغلة فيها ابتعاد عن الأسرة كل يوم في مكان

اللي يقولون ماكلين وظايف الرجال؟ لا يكون الرجال كانوا مضيفين طيران وخربنا عليهم؟ طول عمرهم العيال يتشرطون في الوظايف ياخي خذ اي وظيفه ابدأ فيها طور نفسك دورات كمل دراسه كلهم يرفضون الا من رحم ربي وكل هذي الخصائص يركزون فيها النساء.. وكثير نعرف عيال يرفضون الشغل في ماك او امن عشان ان كيف يشتغل كذا قدام اخوياه بينما المرأه غالبا ما عندها مشكله.. وبعدين اذا النساء فعلا خربوا وظايفكم كيف دول الخليج مدبرين انفسهم؟تمكين المرأه عندهم من زمان وشغالين ساكتين واللي يقولون كيف تطلبون الرجال يصرفون وانتو ما خذين وظايفهم؟ اقدر احلف ان نسبة بسييييييييطه جدا وتافهه فعلا الرجل فيها يصرف هو لحاله ولا تشارك زوجته دايم الزوجات يصرفون على بيوتهم ترا عايشين في المجتمع وشايفين مافي معلمة متزوجه الا وهي يا بانيه البيت يا شاريه السياره يا تصرف على لبس عيالها كذبة ان الرجال يترك فلوس زوجته وان لا تصرفين انا علي الصرفه عارفين محد يسويها وحاليا المرأه تاخذ وظايف صغيره كاشير مضيفه الخ في المستقبل اذا اخذت وظايف اقوى من كذا شتسوون تخنقون انفسكم عويل؟ الموضوع كله حسد في حسد

استغفرالله العظيم واتوب اليه سعوديه مضيفه!!!! عجب الدنيا للأسف انها ترضاء في اي شي اهم شي فلوس لبس المضيفه غير لايق للسعوديه الله يسترنا يارب من الفتن ويرزقنا الأفضل

قلة الوظائف عشان تتوظف السعودية ( مضيفة ) دول الخليج الأكثر تفتح منا ما سووها !!!؟؟؟ حسبي الله ونعم الوكيل

اختبار step عن طريق موقع قياس زي اختبار القدرات كله اختيارات و بسيط مو صعب الله يوفقكم

الآخت اللي بتقول الرجل يدبر نفسه والحريم ما لهم ظهر يسندون عليه . ممكن أعرف ليش ما لهم ظهر ؟ أخواني الاثنين تم الاستغناء عن خدماتهم بحجة عدم احتياج وبعدين اكتشفوا انهم وظفوا مكانهم حريم . طبعاً الحين الزوجة تتوظف وزوجها عاطل بالبيت وسسون دراما انه الحرمة شايلة بيت طيب أعطو الرجال وظيفة عشان يشيل بيته مو توظفونهم برواتب ٣٠٠٠ وتبيه يصرف فيها علي بيت !!!!! محل قهوة معروف كنت أشتري من فرع عندنا وكانو الموظفين سعوديين وبعد فترة فصلوهم ووظفو بدالهم حريم . يعني يفصلونهم ويعينون مكانهم حريم وبعدين يصيحون الرجال ما يتحمل مسوولية والحرم شايلة بيت ووو واسطوانة التخلف تشتغل .!!!!! أنا حرمة وما عندي مشكلة المرأة تتوظف لكن الاساس الرجال والشباب الأولى لانهم هم اللي بيتحملون مسولية النفقة

بنات مافهمت طريقة التقديم؟ احد يفهمني بالله

يبون وحده معها "الثانوية" وعمرها بين 20 و 30 و ان يكون وزنها مناسب مع طولها على حسب معاييرهم شكل الوظيفة عارضة ازياء اما اللي يقول ان الرجال يقدر يدبر نفسك المشكلة اني راح ادبر نفسي و على زوجتي و اطفالي والمرأة ماعليها شي ابدا لا قانونا ولا شرعا حتى انها ما تصرف على نفسها زوجها ملزوم بالصرف عليها

انت رجل وتقدر تدبر نفسك لكن ليش الحسد تنقهر من وظائف النساء ياخي قل الله يسر امورهم بعض الحريم هم الي يساعدون اهلهم لان ما لهم ظهر يسندون عليه اما انت رجل ولك القدره انك تحصل وظيفة لكن جيبك ما يصير فاضي عشان كذا من حاس بالي يحسون فيه الحريم صحيح ( الرازق فالسماء والحاسد فالارض )

كيف اختبره طيب اختبار step

شوف كيف الشروط سهلة للنساء تعال شوف شروط الرجال ههههه الله وكيلك تقول بتقدم في ناسا مهندس فضاء وهي كلها تصب قهوة وشاهي وترمي زبايل الناس